2022.9.24-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,498,370 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.9.14 《前一篇

後一篇》 2022.10.1

回應

給他日記貼紙

給他愛的鼓勵

檢舉

篇名: 2022.9.24
作者: C	日期: 2022.09.24　　天氣: 　心情:

今仔日是九月二四，禮拜六。我佇羅伯摸非。
隔壁蔡董頂頂禮拜確診，拜四快篩了猶是陽性﹑
另外隔壁楊董本來是因為厝裡的人陽性，伊愛隔離，結果篩了嘛是陽性。
9/20拜二早，替伊徛門口。就毋去開會。
聽講阮遮去開會的人毋幾个。高老二隨敲電話來關心。
下晡下班太太講囡仔想欲去大港橋。
我本來欲直接轉去厝，毋過想一下，嘛是駛去哈瑪星，好加哉有停車場。
彼昏暗就佇遐食暗頓，雖然是拜二，嘛是感覺若渡假咧。
囡仔暗頓食了買一枝彩色的枝仔冰食，結果隨落屎。
9/21拜三透早防災演習。下晡嘛是請消防隊來教，順紲紹介新型滅火器。毋過誠貴，我毋錢袂當決定
講著地動，17、18兩日連續大地動。囡仔驚甲。
紲落來幾仔工攏雄雄問有咧地動無？
17彼工暗時，我當佇樓跤佮阿母徛起來看曆日，搖真大下。我隨捍阿母。
等較停，隨起去二樓問阿爸有按怎無？閣起去三樓房間看太太囡仔有按怎無？
太太共囡仔攬牢牢，兩個坐佇床頭攏誠驚。我看無代誌，就閣隨落去陪阿母。
囡仔問太太講爸比哪會閣落去？太太怪我攏無關心某囝咧驚，
因為太太以早受著九二一地動的陰影猶佇咧，所以嘛真驚。
我彼當時想太太囡仔平安就好，阿爸阿母跤頭無好﹑驚跋倒，所以落去陪。
這擺地動予囡仔有驚無險，以後拄著危險會較猛醒。
9/21下晡囡仔閣佮跤求阿公踢球，囡仔欲踢欲好，跤球阿公應該誠疼囡仔。
9/22拜四下晡我下班去對面買烘鴨轉去，暗時摒糞埽，搪著厝邊大姊，
伊佮查某囝取孫，我呵咾查某孫古錐，大姊嘛知影我一个後生，講誠緣投，我聽了嘛誠歡喜。
9/23拜五囡仔暗時噗噗嚕聽講表現袂壞，心內真歡喜
囡仔愛面子，驚人嫌。所以這馬練琴，攏用鼓勵方式陪伊，伊家己會曉想辦法彈。
以前是請伊的好朋友：所有的尪仔攏排出來做觀眾，聽伊彈。
這馬是彈了我就愛予伊(愛的鼓勵+康康舞)，吼，誠悿。

囡仔這馬上大的欠點就是貧惰起床。
這馬雖然讀的學校較近，但是出門的時間愈晏。按呢袂使。愛較加油咧。
愛想辦法教伊較早起來。

標籤:

瀏覽次數:119 人氣指數:319 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：