2023.5.6-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,498,370 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.5.3 《前一篇

後一篇》 2023.5.7

回應

給他日記貼紙

給他愛的鼓勵

檢舉

篇名: 2023.5.6
作者: C	日期: 2023.05.06　　天氣: 　心情:

今仔日是五月初六禮拜六，立夏，我佇葛雷多摸非
昨昏拜五，悿規日，會當講連續上班12點鐘...
透早接班。對七點外開始，閬縫佮愛去做原來工課。
中晝嘛是駐彼廠駐點。攏無歇睏。
中晝班長轉來，予我代班費。
下晡才會當照原來的工課進度行。
下班先去開破予班長聽，轉到厝欲五點半矣
太太對昨昏就閣發燒嚨喉痛，無法度上班。佳哉毋是確診。
但是我到厝愛先共囡仔洗身軀，閣取伊去上噗噗嚕。
囡仔昨昏表演，一人彈三條，猶袂歹，誠有面子。
下課的時，囡仔一直綴同學行，講欲食百貨公司的烏嚨。
結果入去另外一間，買海產糜轉來予太太食，我佮囡仔攏轉來厝食飯。
到厝嘛七點半矣。所以規工對透早七點外到暗時七點半攏一直行毋歇睏。

暗時囡仔那食飯那看電視，結果攏無起來，我就共房門鎖起來。
囡仔九點才起來，看門鎖咧，就去揣阿伯看伊拍電動，
了後規氣落去樓跤閣繼續看電視。
我欲十一點落去叫，本來叫伊規去二樓陪阿媽睏
結果太太嘛是叫伊起來。念甲半暝十二點，罰徛徛到點外，我才叫伊起來眠床睏

囡仔毋知是袂曉反省，抑是知影毋著煞袂曉做，所以就一副爛性，誠害。

公司彼爿，經過我中晝駐點，產品有較穩定。
但是班長煞顛倒愈掠袂牢。伊一直想欲請假閃避問題。
彼咧查某囡仔去予產品的特殊性驚到，無法度解決，看著誠毋甘。
但是伊毋知根本的問題，
同事嘛咧講，感會是伊家己掠袂牢，就一直嫌產品誠歹用
平平佇業界，伊若換去別間，仝款問題嘛是會發生。

伊這馬誠依賴我去佇點，但是我就一个人愛做兩份工
我嘛會擋袂牢

想著以早十外冬前，我嘛是予客戶投訴甲家己攏無法度做落去
台北彼位客戶建議我先去看身心科
雖然想著有道哩，但是驚會留下紀錄，無法度佇業界生存，就無去看。
彼陣，暗時會行去海邊看海，佮去唱卡拉ok飲酒
佳哉遐是兩位老大姊，性地好，雖然無講啥，但是予我漸漸穩定落來
結果彼間煞收起來。

人攏會有關卡，面皮愛厚，頷頸愛硬，腰身愛軟，喙水愛好。
但是我付出六年的青春予空亡，了錢了名聲，存一箍溜溜。
彼段也行過來矣

標籤:

瀏覽次數:92 人氣指數:92 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：