2023.6.21-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,497,742 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.6.18 《前一篇

後一篇》 2023.6.22

回應

給他日記貼紙

給他愛的鼓勵

檢舉

篇名: 2023.6.21
作者: C	日期: 2023.06.21　　天氣: 　心情:

今仔日是六月二一，禮拜三。我佇hito摸非。
拄才才對飯店轉來，中晝佮公司退休人員做伙食飯。佇新開九樓的食甲飽餐廳食。
原本無想欲來，但因為欲探路草，所以試看欲按怎駛，幾樓啥物廳，料理按怎攏愛先知。另日若有機會嘛會使來食。
食了本來應該閣轉去公司，毋過毋想欲轉去矣。
今仔早時，叫囝仔叫袂起床，就舉衫仔弓嚇，閣等真九才落來，閣那食荔枝那看電視，攏毋欲出門。
我先甲車開出來，伊閣毋出來，我就踅一輪，伊閣佇厝裡，可能是出來看無我，閣入去食荔枝看電視。
等伊上車，我就無客氣共罵，伊攏無驚遲到，煞攏無想講我上班會袂赴。我無想欲閣共載矣。
囝仔貧惰，毋知欲按怎共教。
透早洪仔敲電話予我，叫我九點半去伊遐鎮殿。我壓力誠大，伊遐我嘛已經無法度。
伊遐是檢驗單拍毋見上濟本的。
伊閣叫我後禮拜三閣去一擺，我煞毋知欲按怎矣。
透早建商敲予我，我無接著，我佇洪仔遐毋紮手機仔，轉來我隨回。
建商講原本設計師無欲接矣，伊欲揣另外別間做。
我應好，愛伊隨共圖和估價開來，伊應好。就掛電話。
我煞後悔矣。太太昨暝才交代我，愛退錢。愛退錢，愛退錢。我煞攏無講著。
我是交代伊敲予太太，予太太直接共伊講才著。
心情伊直誠䆀。

中晝三个邊緣的中年查甫人仝桌。心內淡泊感慨。
另外兩人討論薪水，年資，當時退休，其實我攏無知。
我這世人，少年毋捌代誌，冊讀無了，薪水就無法度進較懸，
儉無錢，這馬就愛揹數。
無交陪，就予同事囥佇邊仔桌。
我毋知當時會當退休，毋知敢會當平安退休。退休金毋知敢有夠納貸款？
若欲退休，我的證件就愛趕緊補請出來。

標籤:

瀏覽次數:106 人氣指數:306 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：