20250.7.14-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,579,658 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.7.8 《前一篇

後一篇》 2025.7.16

回應

給他日記貼紙

給他愛的鼓勵

檢舉

篇名: 20250.7.14
作者: C	日期: 2025.07.14　　天氣: 　心情:

今仔日是七月十四，禮拜一。我佇葛雷多摸非。
頂禮拜二出門去台中。出門已經倚晝矣。
先去新厝提物件，閣越轉去三鳳中街切洋蔘欲予丈姆，結果太太順紲切一寡予我。
對高雄駛到台南攏猶順序，
開到嘉義，雨煞愈落愈大。紲落來雲林南投雨攏無停。
一下過南投，雨就轉細。
中途攏無停落來歇睏，三點外到台中。
第二工，7/9拜三，台中落大雨，規工。攏無出門。
第三工，7/10拜四。下晡趁較閬天，太太講欲去百貨公司，就予太太駛車在去中友百貨，
太太拄著以早的賣冊的同事
閣去對面美術社買筆。暗時佇附近咖哩飯。
大姨仔敲電話來講欲提茶米來，約佇霧峰神農廟，
結果趕袂赴，予伊加走一逝。
暗時轉去，門口街仔排夜市，囡仔講欲出去看
太太和伊去買糋排骨酥佮紅薯糋轉來分逐个食。
第四工，7/11拜五。中晝過，太太講欲去后里，予囡仔看馬仔
結果落雨無開園，只好越頭駛去泰安車頭
經過去看落羽松，囡仔買一張泰安到后里的車票
隔開去一間冰淇淋店，誠媠，外口是追火車公園
佮去舊車頭，暗摸摸，誠bih-sih毋敢入去。
暗頓就去街仔食鴨肉飯。
第五工，7/12拜六。本來透早講欲出門，結果嘛是倚中晝矣
這擺去鹿港，先去老街行。
誠濟擔仔誠鬧熱。囡仔買兩枝欶管做的刺毛鉤蟲，講一枝欲予哥哥耍。
頭家佮送兩枝風車，囡仔講欲予妹妹。
頭家是外地來的，有上過電視的欶管達人。
中晝太太講有一間羹好食，就那踅那揣。
我建議去看意樓，結果揣規晡攏無，
問老街的擔仔頭家，結果攏是外地來的，袂曉指位。
結果是佇另外一爿。
佮踅去摸乳巷，行過巷仔，太太佮囡仔就佇冊店看冊。
我去停車場開車過來接。
無去看媽祖廟佮龍山寺。
回程經過彰化，太太講有一間肉丸會使買轉去食
佮去一間店買雞卵糕。
第六工，7/13，禮拜。
丈姆欲綴二舅仔全家去阿里山耍兩暝三日。
是因為二舅仔的大漢後生的公司有提供補貼。
變成我愛顧厝。
原本嘛想欲這日轉去，結果倚晝時，大舅仔來開講
我就泡茶做伙開講，那開講那款行李。
中晝過，鐵門挩落來了就出發。
先去竹山領錢提茶，佮去斗南車頭，予囡仔買票一站到石龜
伊欲家己坐火車去石龜，我開車去共接
石龜車頭邊仔攏是田。
接了，經過大林到嘉義，太太講想欲食魚頭
等誠久，生理誠好
食了欲轉去，囡仔佮講欲食點心，就踅去食冰食豆花
轉去原本欲行三號，煞踅去一號
一號的車雖然較濟，車道嘛較狹，加哉攏無窒車
到厝已經九點外矣。

標籤:

瀏覽次數:23 人氣指數:43 累積鼓勵:1

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：