2023.7.15-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,495,103 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.7.9 《前一篇

後一篇》 2023.7.16

回應

給他日記貼紙

給他愛的鼓勵

檢舉

篇名: 2023.7.15
作者: C	日期: 2023.07.15　　天氣: 　心情:

今仔日是七月十五，禮拜六。我佇葛雷多摸非。
我轉來矣。
7／9（日）去台中
7／10（一）去草湖揣修理車的師傅。車囥佇遐，去全家領錢繳車險3911。坐公車去車頭換火車，坐普悠瑪到南港。對南港換區間車到瑞芳。住嫚嫚窩兩工。暗時食永和素鹹豆奶。太太暗時洗衫共人吵著誠歹勢。
7／11（二）倚晝坐火車去海科館。行去另外一館看魚。先買票，佮一杯涼的寄杯。太太腹肚無爽快，性地較大。囡仔耍拍壁耍甲誠歡喜。因為人誠濟，閣行去c區看魚。
閣行去八斗仔車頭，中途去蕭媽媽店食石花菜燕。歇睏一下。我誠愛行這段路，看海誠媠。坐火車時，拄好看著老車長牽徒弟仔，教火車的代誌。坐轉來瑞芳誠悿。暗時食梁社漢菜飯。
7／12（三）較早出門坐公車去九份仔。佇觀景台看海。閣行去老街踅。
退房了坐火車去台北，共囡仔買一隻皮卡丘。
坐公車起去陽明山。囡仔第一擺浸硫磺泉。暗時落去文化大學站揣食，結果誠濟店攏無開。素食毋知欲佗位買。落尾嘛是去711食。結果閣坐公車起來。
7／15（四）透早我起來行。第三擺來，我攏先行去邊仔的前山公園翕相。八點半于伊送早頓來。囡仔閣泡一下仔溫泉。退房了，行去中山樓，結果無開放，閣轉來坐公車去竹子湖，這擺坐到總站。才知影頂逝猶未到，原來內底遐媠。我翕誠濟相。佇遐歇睏食冰了，閣坐車轉來提行李。坐到車頭。囡仔票買到山佳，結果太太講規氣坐到桃園換快車到台中。囡仔佇車頂補票。我沿路一直欲揣以早我租厝所在，結果變化誠大，火車頂看無。到桃園站嘛變誠濟。驚趕袂赴就無出站。自強號較欲兩點鐘到台中。揣著車牌等公車。公車司機開車誠雄狂，徛攏袂在，突然雄雄擋車，車頂逐個个攏跋倒。佇草湖站落車。行去修車廠，頭家算算咧愛11600。我閣去全家領錢交付。車真正加則足好開。
開轉去丈姆兜。
7／16（五）囡仔一直想欲耍牌仔，我教伊一款solitare,結果伊嘛無興趣。下晡囡仔閣佇門口耍水。
暗頭仔開車轉來高雄。已經八點半矣。

標籤:

瀏覽次數:103 人氣指數:103 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：