2024.1.21-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,495,103 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.1.20 《前一篇

後一篇》 2024.1.24

回應

給他日記貼紙

給他愛的鼓勵

檢舉

篇名: 2024.1.21
作者: C	日期: 2024.01.21　　天氣: 　心情:

今仔日是一月二一，我佇葛雷多摸非。
我昨昏中晝佮阿爸阿母太太囡仔去ikea。
驚阿爸阿母袂行，先買熱狗堡逐家佇外口食。
佮阿爸阿母約兩點半，大約點半鐘，我佮太太囡仔入去款料。
我以為代誌會誠順序，因為前兩日攏已經佇網路上看好，今仔日只要落定就會使。
結果太太入去佮想欲重選...一項一項拍銃。
我心裡誠袂爽，逐擺攏欲重來，按呢永遠揀袂了，踅袂了。
我就受氣共講：明明攏開時間上網看、揀好矣，哪愛重看？逐禮拜攏重踅，哪有遮濟時間？
太太講看網路吋尺袂準，看實體較實在...
伊攏以為我是驚阿爸阿母等傷久，其實毋是，我是毋愛逐擺我揀的伊攏無愛，
結果氣氛就變甲誠奇怪，
本來想好較欲十項，存伊的化妝台猶袂決定。
買兩跤櫥仔囥客廳佮浴間外口，囡仔冊桌仔佮衫櫃仔、灶跤囥烘箱的櫃仔，入門玄關的櫃仔。
其實玄關我本來較愛用直杆會透氣，太太無愛，伊愛用落地塑膠窗簾布遮....就隨在伊
閣過，真正愛去青年路揀伊的化妝台矣。閣有家樂福的兩條椅仔。

因為無紮手機仔佮證件，辦會員煞無法度隨領禮券。

取阿爸阿母去坐輕軌電車。
向籬仔內先坐到鼎山街站，落車食家樂福的燒肉，食了已經暗矣，佮坐電車踅一輪。

毋是我急性，實在是我希望代誌會當順利完成，無愛一直做無意義的工課。
咱開時間開錢就是愛有相對的結果，見擺和太太討論裝潢，攏袂輸鬼打牆，
逐擺攏愛重來。前幾日我就先畫好圖，佗位愛囥啥物，先討論決定，我才來揣合吋尺，
上網揣好，太太嘛同意，結果到現場，伊佮欲重揀...真正是...

暗時囡仔閣鬥伊的機器人，伊無暇摮，承繼所在可能悿，就鬥無著。
結果我改過，煞感覺奇怪，哪會兩件無做伙？太太佇邊仔就鬥看，嘛看冊對。
想無就講傷暗，愛去睏矣。
結果冊一句話予我想著：欲予車噴射出去，應該是袂做伙
藉著齒輪的轉踅，予車噴射出去，應該有一个板機。
機台的大齒輪，轉踅方向閣車仔的小齒輪拄好相對
頂懸會活動的部分應該就是板機
真正無毋著，試幾擺就真正會當發射出去矣。

真正愛冷靜閣耐心才會使。
我

標籤:

瀏覽次數:24 人氣指數:24 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：